କିଭଳି ଭାବରେ ସମୟକୁ ସଦୁପଯୋଗ କରିବେ,ଜାଣନ୍ତୁ ଏହି ଉପାୟ

0
129
how to manage our time schedule

ଆଜିକାଲିର ବ୍ୟସ୍ତବହୁଳ ଜୀବନଶୈଳୀରେ ଆମକୁ କମ୍‌ ସମୟ ମଧ୍ୟରେ ବହୁତ କାମ କରିବାକୁ ପଡିଥାଏ। ତେବେ କିଭଳି ଭାବରେ ସମୟକୁ ସଦୁପଯୋଗ କରି ସମସ୍ତ କାର୍ଯ୍ୟକୁ ସୁଚାରୁ ରୂପେ କରାଯାଇପାରିବ ସେ ସମ୍ପର୍କରେ….

*ଟାଇମ୍‌ ମ୍ୟାନେଜମେଣ୍ଟ କରିବାକୁ ହେଲେ ସର୍ବ ପ୍ରଥମେ ମଲ୍ଟି ଟାସ୍କିଙ୍ଗ ହେବା ଜରୁରୀ। ଦୈନନ୍ଦିନ କାର୍ଯ୍ୟ ମଧ୍ୟରେ ଏଭଳି ଅନେକ କାର୍ଯ୍ୟ ଅଛି ଯାହାକୁ ଆମେ ଏକ ସଙ୍ଗେ କରି ସମୟ ବଞ୍ଚେଇ ପାରିବା।

* ପୂର୍ବ ଦିନ ରାତିରୁ ପରଦିନ କରିବାକୁ ଥିବା କାମର ଏକ ସାରଣୀ ପ୍ରସ୍ତୁତ କରି ରଖନ୍ତୁ। ଜରୁରୀ କାର୍ଯ୍ୟଗୁଡିକୁ ସାରଣୀର ପ୍ରଥମରେ ରଖନ୍ତୁ ଏବଂ ତଦନୁଯାୟୀ କାର୍ଯ୍ୟ କରନ୍ତୁ।

* କାମ ଆରମ୍ଭ ଏବଂ ଶେଷ କରିବାର ସମୟ ଧାର୍ଯ୍ୟ କରନ୍ତୁ। ସେହି ସମୟ ଭିତରେ କାମଟିକୁ ଶେଷ କରିବାକୁ ଚେଷ୍ଟା କରନ୍ତୁ।

* ସର୍ବଦା ନିଜ ଘଣ୍ଟାର ସମୟକୁ ୫ ବା ୧୦ ମିନିଟ ଆଗୁଆ ରଖନ୍ତୁ । ଏହାଦ୍ୱାରା ଆପଣ କାର୍ଯ୍ୟଟିକୁ ନିର୍ଦ୍ଧାରିତ ସମୟ ପୂର୍ବରୁ ଶେଷ କରିପାରିବେ ।

* ଆଜିକାଲି ପ୍ରାୟ ସମସ୍ତଙ୍କୁ ସୋସିଆଲ ମିଡିଆରେ ବ୍ୟସ୍ତ ରହୁଥିବାର ଦେଖାଯାଉଛି। ଯାହାଦ୍ୱାରା ସମୟର ଅପବ୍ୟବହାର ହୋଇଥାଏ। ତେଣୁ ଯେତେ ସମ୍ଭବ ସୋସିଆଲ ମିଡିଆଠାରୁ ଦୂରେଇ ରୁହନ୍ତୁ।

* ସମୟ ଅପଚୟ ହେଉଥିବା କାର୍ଯ୍ୟଗୁଡିକୁ ଚିହ୍ନଟ କରି ତାକୁ ଯଥାସମ୍ଭବ ଶୀଘ୍ର ସାରିବା ପାଇଁ ଚେଷ୍ଟା କରନ୍ତୁ।

* ସବୁଠାରୁ ଜରୁରୀ ହେଉଛି ସକାଳୁ ଶୀଘ୍ର ଉଠନ୍ତୁ ଏବଂ ରାତିରେ ଶୀଘ୍ର ଶୁଅନ୍ତୁ ଫଳରେ ଆପଣଙ୍କୁ କାମ କରିବା ପାଇଁ ଦିନରେ ଅଧିକ ସମୟ ମିଳିପାରିବ।