ରାଫେଲ୍‌ ଯୁଦ୍ଧ ବିମାନ୍‌ ଡିଲ୍‌କୁ ନେଇ ଭାରତରେ ଆଇନ୍‌ଗତ ଲଢ଼େଇ

0
377
french-ngo-files-complaint-to-know-terms-of-rafale-deal

ପ୍ୟାରିସ୍‌:ଫ୍ରାନ୍ସର ଏକ ଏନଜିଓ ସଂସ୍ଥା ରାଫେଲ୍‌ ଡିଲ୍‌ ସମ୍ପର୍କରେ ବିସ୍ତୃତ ତଥ୍ୟ ହାସଲ ପାଇଁ ଦେଶର ଫାଇନାନ୍‌ସିଆଲ୍‌ ପ୍ରସିକ୍ୟୁଟର ଅଫିସ୍‌ରେ ଏକ ମାମଲା ରୁଜୁ କରିଛି। ରାଫେଲ୍‌ ଯୁଦ୍ଧ ବିମାନ୍‌ ଡିଲ୍‌କୁ ନେଇ ଭାରତରେ ଆଇନ୍‌ଗତ ଲଢ଼େଇ ଚାଲିଥିବା ବେଳେ ଏବେ ଫ୍ରାନ୍ସରେ ମଧ୍ୟ ସମାନ ସ୍ଥିତି ଉପୁଜିଛି। ଭାରତ ସହ ଫ୍ରାନ୍ସ କରିଥିବା ୩୬ ରଫେଲ୍‌ ଯୁଦ୍ଧ ବିମାନ୍‌ ଡିଲ୍‌ କେଉଁ ପରିସ୍ଥତିରେ ହୋଇଛି ଏବଂ ବିମାନ ନିର୍ମାଣକାରୀ ସଂସ୍ଥା ଡାସଲଟ୍‌ ଏଭିଏସନ୍‌ କାହିଁକି ତା’ର ଅଫ୍‌ଶୋର ପାର୍ଟନ ଭାବେ ଭାରତର ଅନୀଲ ଅମ୍ବାନିଙ୍କ ରିଲାଏନ୍ସ ଗ୍ରୁପ୍‌କୁ ବାଛିଲା, ତା’ର ତଥ୍ୟ ଦେବାକୁ ଦାବି କରିଛି।ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଫେଲ୍‌ ଡିଲ୍‌ରେ ନିଜ କ୍ଷମତାର ବ୍ୟବହାର କରି ଡାସଲଟ୍‌ ଉପରେ ଚାପ ପକାଇ ଅନୀଲ ଅମ୍ବାନିଙ୍କ ରିଲାଏନ୍ସ ଗ୍ରୁପ୍‌କୁ ଅଫ୍‌ଶୋର ପାର୍ଟନର ଭାବେ ବାଛିଥିବା ବାରମ୍ବାର ଅଭିଯୋଗ ହେଉଛି। ଏନେଇ ଭାରତରେ ବିବାଦ ମଧ୍ୟ ସୃଷ୍ଟି ହୋଇଛି।ସୂଚନା ଯୋଗ୍ୟ,ଫ୍ରାନ୍ସ ସରକାର ଏହା ଉପରେ ନିଜର ମତ ସାର୍ବଜନୀନ କରନ୍ତୁ। ଏବେ ନ୍ୟାଶନାଲ୍‌ ପବ୍ଲିକ୍‌ ପ୍ରସିକ୍ୟୁଟର ଅଫିସ ଏହାର ବିଧିବଦ୍ଧ ତଦନ୍ତ କରିବ ବୋଲି ଆଶା କରୁଛୁ। ଏହାର ତଦନ୍ତ କରି ପ୍ରକୃତରେ ରାଫେଲ୍‌ ଡିଲ୍‌ରେ ଅନିୟମିତତା ହୋଇଛି କି ନାହିଁ ତା’ର ତଥ୍ୟ ସାର୍ବଜନୀନ କରନ୍ତୁ ବୋଲି ଉକ୍ତ ଏନ୍‌ଜିଓ ସଂସ୍ଥା କହିଛି।