୫ଟି ଜିଲ୍ଲାକୁ ସତର୍କ ସୂଚନା

0
373
five district alrt

ଭୁବନେଶ୍ୱର: ଦକ୍ଷିଣ-ପଶ୍ଚିମ ବଙ୍ଗୋପସାଗର ତଥା ଉତ୍ତର-ପୂର୍ବ ଶ୍ରୀଲଙ୍କାରେ ଲଗୁଚାପ ବଳୟ ସୃଷ୍ଟି ହୋଇଛି। ଏହି ଲଗୁଚାପ ବଳୟ ସ୍ତର ଏଯାବତ୍‌ ୫.୮କିମି ରହିଛି। ଆସନ୍ତା ୨୪ଘଣ୍ଟା ମଧ୍ୟରେ ଏହି ଲଗୁଚାପ ବଳୟ ଲଘୁଚାପରେ ପରିଣତ ହେବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି। ସୂଚନା ଅନୁଯାଇ, ମଙ୍ଗଳବାର ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରି କହିଛି, ଯେ ଦକ୍ଷିଣ-ପଶ୍ଚିମ ବଙ୍ଗୋପସାଗର ତଥା ଉତ୍ତର-ପୂର୍ବ ଶ୍ରୀଲଙ୍କାରେ ଲଗୁଚାପ ବଳୟ ଲଘୁଚାପରେ ପରିଣତ ହେଲେ ଉପକୂଳ ଓଡ଼ିଶାର କିଛିସ୍ଥାନରେ କୁହୁଡି ପଡ଼ିବା ସହିତ ପାଗ ମୁଖ୍ୟତଃ ଶୁଖିଲା ରହିବ। ତେବେ ଏହି ଲଘୁଚାପ ପ୍ରଭାବରେ ରାଜ୍ୟର ମାଲକାନଗିରି, କୋରାପୁଟ, କଳାହାଣ୍ଡି, କନ୍ଧମାଳ, ଓ ରାୟଗଡ଼ା ଆଦି ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର।